Omongan Kosong Hari-Hari Gua

(Tahapan Upacara Tiwah Bahasa Dayak Ngaju)


Bara solak tamparan munduk balian, palus mimbing behaas ietuh : Ehem behas, harenjet
ganan, hai ganan, belum nantuguh labatang entang bulau, datuh labate habaring jari hampit
riwut manyan Raja. Nyimak saturi malayu, Hapan juyang bangkang halelan tingang, runting
tajahan burung nampasut, kilau nampasut tingang ije kadadang, nampuras tingkah nampuras
bungai ije kapating, malugaku bitim kilau banama nyandang liara nampilaku balitam, netek
ajung hatalumbang jadri hampalua uluh pantai danum kalunen bara balanai bintan penyang,
nampahanjung luwuk kampungan bunu, bara busi renteng bapampang pulu, ie babalai sansiri
koenjat antang, basali mangkuk sarangiring laut.


Kuntep kamaras, ban penu kaningagang sara dia jaka teburan garing tabela belum, dia jaka
penankekei, bara usuk lisum pananjuri bara wain tapan, Terai nduan tambekan etuh ijamku
enteng nasihku hanyim, nyahungku indum luang reawei, panati danum kalunen, akan jamban
payaruhan tisue luwuk kampungan bunu, nyahuangku bitim, antang manamuei manajah riak
renteng tingang, raja tabela basandar ranjang.
Nyangkabila balitan kenyui mangaja, mantilung kanaruhan ringgit, kangatil garantung,
Katabelan oleh balai mihing nyapundu runjan anak Sali nyalung marusuk hintan, nyahuan ie
tingang hadurat lunuk, akan pantai danum kalunen, nyangkabilae tambun nyalentur labehu,
akan luwuk kampungan bunu, ije puna hampang jawah hempeng, palumpang langit busun
kenyui juhai hanyi, panasiran Hawun. Ije mapan batu jadi randung banama namburak
karangan jari talin pambuhui riwut hanya mananteng hanyin, burung lingu kanyumping linga,
ason tandang panangkului enteng uluh lewu danum jalajan, uluh rindang labehu pali tuntang
kare bulau pangajin sambang batu bangkalan banama. Balu indu iring pinang, uluh lewu danum
jalayan, hayak manenteng hanyin katabelan uluh balai ltuyang katabelan uluh balai suling
bulau, katabelan uluh balai entas,katabelan uluh balai nyaho, telu puluh ruang tuntang
katabelan uluh balai Palangka nambulang tambun, anak salibayung antang, mahutu Penyang,
uras nyahuan usang, hadurut lunuk hayak mandurut papan talawang mahapan tantang burung
dahiang, malentui gentui daren lintung, hapaharis rayung baya tandak, lapik banama antng
manamuei tapeting ayung, kenyui mangja.
Ie jari bitim behas, jadi barakandung peteh, pantai danum kalunen, entan bulau, batiang janjin,
luwuk kampungan bunu, jadi peteh manyiret. Kilau lanting darai janji manalan. Mampahulang
naharantung nyalung, te kareh tandakm panjang, halawu bumbung dawen purun, karungutm
ambu harenda pandung, bulau tambun , jadi sukup tuntur, kilau bulan bele manyinai nenteng
sukup palakue tingkah pahawang nangkunyahe tatau. Kilat baputi dia kanatah hintan, hijir
bahenda dia nanggalung bulan, tawurku belum baun pingan rungan etan bulau bahanjung
mangkuk saramurung laut, bahing jarambang, nipas marung garing gantungan, pusuk rawung
bambau ukei, hayak enum bandadang, te palus manjakah behas tuh auch :
Ije, due, telu, epat, lime, jahawen, uju ije kalabien ketun sintung uju due kalambungan ketun
lambung hanya, te palus manekap katambung, nampara nampulilang liau.

Sumber : Maneser Kalteng