“PENYANG BELUM HINJE SIMPEI”
Penyang hinje simpei iyete tandak paham barega akan uluh itah Dayak. Itah utus uluh je menteng ureh, bakena balinga penenga Hatalla je paham barega. Esun tambun Bungai, harus tau hinje hapakat, manampa tiruk itung manjunjung tarung Hoang hunjun petak danum dayak Kalimantan tengah.
“Ela…! sampai mawi Tanjuri Hunjun Parung lampang diya lampang Hagatang.Angat itah tau belum panjung-panjung kilau batang garing je belum gantung-gantung batuyang bambarirang sihung garing tuyang-tuyang.
Tanjuri Penyang Hambaruan itah mangat tau gantung manggatang utus je bahalap mimbit aran tatu hiang itah akan hagatang belum hunjun tambuan panenga je bahalap akan seluruh utus je diya tikas tarung hagatang. Ela..! itah Menteng ureh Belum Mameh!
Awi te akan penyang hinje simpei tau manampa utus itah belum kuat hagatang Hadurut, laut Lumbah diya ati gitan sarae, mampalumbah tiruk itung anak Esun Tambun Bungai.
Sakula gantung manampa kapintar harati, uka utus itah diya kalah bara utus uluh beken. Pulau Dayak tuh diya akan Injual Barangai, tau baguna akan manambang anak esun Tambun Bungai Katarunan harian.
Akan pengingat itah handiyai..!! Tingak ajar je pelai tato hiang manjadi barega galang pambelum. Ela..! taulang kanji Sundal uluh bakas huran, paham balecak, mangkeme jadi pintar harati, diya kasene arep ah! Awi manjadi uluh baduit harat.
Diya bingat kulae biti, duit uang pandinu manjual petak danum je jadi nenga Hatalla, duit are diya tawan gunae kajaria, hapan pakanji arep ah mimbul Utie mambelum Jawa, Awi te ela sampai diya kasene arep kilau jete.
Mangkeme arep ah tege kuasa kaharat ah, Injelap kawan Cina Parae, nenga pukie hai, bulau bahalap je giring bulue, hambarua babusau diya kesene arep ah, Kajaria diya manyasal amun petak danum Tambun Bungai je tuh lepah akan Lewu panatau Uluh.
Ingat,,!!! Keleh itah tau mamparendeng sama Arep.
Ela Sampai Kejadian Tempun Petak Manana Sare tempun uyah batawah belai, tempun kajang bisa puat, kilau anak manuk hunjun Lepau matei Balau’u.
Ela Kilau laya-laya katam tame buwu, tagal kasalan kabuat dan manyasal harian andau.
SALAM TABE UREH
ULUH DAYAK
24 April 2011 pukul 20.34
Kalute auh kutak tingak je gau ku hapa mamparendeng mampaingat kare tundah kula anak esun tambun bungai intu petak danum itah tuh. "PENYANG BELUM HINJE SIMPEY"
kalute auh peteh kaharati je sama itah mahaga hapa mampalampang utus itah je mamut menteng, bakena, balinga panenga hatala.
Salam isen mulang pahari..!
12 Oktober 2012 pukul 01.57
Boleh nanya , manggatang itu artinya apa ya